CANDIDATURA

 Esta é nosa Candidatura

 1.- José Antonio Otero González

43 anos. Técnico especialista en electrónica de consumo. Desenrola a súa actividade laboral nun comercio local de electricidade e venda de electrodomésticos. Participou activamente en diferentes colectivos sociais, culturais, educativos e deportivos.

Comezou a súa militancia política no 99 como membro das Xuventudes Comunistas. Logo de integrar as diferentes candidaturas de EU dende o 2003, foi no 2015 cando acadou a acta de concelleiro xunto con Juan Lamelas. Foi candidato á Alcaldía por primeira vez nas eleccións do 2019 acadando novamente a acta de concelleiro, esta vez xunto con Ana Cristina Domínguez, converténdose no actual voceiro do grupo municipal.

Coordinador Local de Esquerda Unida dende o 2017 e membro da Coordinadora Nacional.

 2.-  Susana Millán Prol

42 anos. Diplomada en Turismo, Máster en Dirección e Xestión de Actividades Turísticas e Máster de Planificación e Xestión de Destinos e Produtos Turísticos. Actualmente traballa como Axente de Reservas nunha axencia maiorista de viaxes.

Ocupou postos nos departamentos de turismo e cultura do Concello do Grove durante varias temporadas.

Viviu preto de 6 anos na cidade de Hamburgo onde coñeceu as dificultades ás que se enfrontan os emigrantes, o que fixo que participase activamente no Grupo de Acción Sindical (GAS) ofrecendo asesoramento aos traballadores de fala hispana.

Considérase feminista, activista e defensora dos servicios públicos. Xa ten participado nas candidaturas dende o 2007. Forma parte da Coordinadora Local e é a actual representante de Esquerda Unida no Consello Local de Turismo.

 3.- Anxo Meis Domínguez

36 anos. Traballador da conserveira local Bolton Food (Garavilla) na que exerce como delegado sindical de CCOO.

Formouse na especialidade de Técnico Electrónico e no mundo da interpretación. Foi director da última posta en escena da obra "O señor Feudal ou quen matou o Meco?", do Grupo de Teatro Mecos. Colaborou impartindo clases de teatro en diferentes asociacións da vila. Vinculado ao mundo do deporte, practicou remo, atletismo e fútbol.

É socio da Asociación de comerciantes e creadores Grovemakers e declárase un admirador do entroido do Grove, participando activamente nel dende moi cativo.

Membro da Coordinadora Local, participa por primeira vez na candidatura de Esquerda Unida.

4.- Gonzalo Bea Montenegro.

43 anos. Desenrolou a súa actividade laboral en diversos hoteis de catro estrelas, chegando a ser segundo xefe de recepción. Rexentou un negocio de copas na súa estadía en Barcelona. Participou en varias ocasións en Comités de Empresa.

Comezou a súa actividade política no 99 ao fronte das Xuventudes Comunistas. Responsable de Organización de Esquerda Unida O Grove, membro da Executiva Nacional de Esquerda Unida e responsable de Comunicación a nivel galego.

  

5.- Dan Grigore

A máis nova do grupo con 19 anos. Fotógrafo, comunicador en redes sociais e Director de Cine. Estudante de Fotografía e Cine. Conta cun premio en fotografía no 2022 e recentemente expuxo a súa colección fotográfica “Ojos Marinos y pensamientos terrenosos” nunha galería local.

Con interese en aportar os seus coñecementos para mellorar os aspectos culturais e xuvenís do noso concello, participa por primeira vez na candidatura de Esquerda Unida.

 

6.- Juan Lamelas Alfonso

41 anos. Empregado de Software.

Comezou a súa militancia política no 99 como membro das Xuventudes Comunistas, organización na que chegou a exercer responsabilidades a nivel nacional. Tras formar parte das candidaturas de Esquerda Unida dende o 2003, encabezou a mesma por primeira vez no 2007 con tan só 25 anos, logrando a acta de concelleiro e formando parte do goberno cuatripartido, asumindo a responsabilidade das concellerías de Emprego, Persoal e Xuventude. No seguinte mandato volveu formar parte da corporación nos dous últimos anos. No 2015 foi novamente candidato á Alcaldía, obtendo a acta de concelleiro xunto con José A. Otero. Foi coordinador local ata o 2017 e actualmente forma parte da coordinadora local. Membro activo do Partido Comunista de Galicia, sendo na actualidade o Secretario da Área Institucional a nivel nacional e formando parte do Secretariado do partido. Membro da Coordinadora Nacional de EU.

 7.- Yezmina García Lois

36 anos. Técnico Superior en Administración e Finanzas. Desenrola a súa actividade laboral na conserveira local Bolton Food (Garavilla).

Participa por primeira vez na candidatura de Esquerda Unida.

 

8.- José Antonio Vieites Nuñez

39 anos. Técnico en instalacións Frigoríficas e de Climatización. Traballa nunha empresa, con sede en Pontevedra, que desenrola a súa actividade por toda Galicia.

Sindicalista. Vinculado ao tecido asociativo da localidade exerceu como directivo da Unión SD O Grove ata a presente tempada.

Participa por primeira vez na candidatura de Esquerda Unida.

9.- Jesica Lois García

33 anos. Titulada en ciclo medio de estética e perruquería. Actualmente estudante de Administración e Xestión de Empresas. Participou do tecido cultural e deportivo do Grove.

Participa por primeira vez na candidatura de Esquerda Unida.

 

10.- Judit Triñanes Lois

43 anos. Actualmente cursando estudos, traballou na hostalería e no sector conserveiro, chegando a ostentar cargos de responsabilidade.

Simpatizante de Esquerda Unida, forma parte das candidaturas de Esquerda Unida dende o 2015.

 

11.- Alejo Prieto Caneda

40 anos. Técnico en Administración e en Seguridade Alimentaria. Traballa nunha empresa de elaboración de conxelados. Estivo máis dunha década vinculado ao sector conserveiro da vila.

Participa por primeira vez nunha candidatura.

12.- Ana Isabel Viso Vázquez

Autónoma xubilada.

Vinculada ao tecido cultural do Grove, participa activamente na asociación de artistas locais Artegrove, onde ostenta o cargo de secretaria. Socia do colectivo ecoloxista do Salnés dende hai tres décadas. Colaboradora dende hai dez anos no Banco de Alimentos Rías Baixas.

Pertence á coordinadora local de Esquerda Unida. Foi representante da agrupación no Consello Local da Igualdade ata o 2017. É a súa terceira participación na candidatura.

 

13.- Ricardo Alvarez Otero.

49 anos. Traballador da conserveira local Bolton Food (Garavilla) dende hai 27 anos. Membro do comité de empresa dende 2007 e actualmente Presidente do Comité de Bolton Food. Membro da Executiva da Federación de Industria de CCOO  Arousa e Responsable do sector Conserveiro dentro da Federación de CCOO de Industria de Galicia. Negociador do Convenio de Conserva a nivel estatal.

Participa por segunda vez na candidatura de Esquerda Unida.

14.- María Isabel Montenegro Fontoira.

67 anos. Xubilada. Exerceu a súa carreira profesional como Camareira de Pisos no Gran Hotel da Toxa, onde formou parte do Comité de Empresa. Activista en defensa dos dereitos das Camareiras de Piso a través da asociación Kellys Unión Galicia.

Participou como poñente na xornada “A loita das mulleres no marco do mercado laboral: dereitos e empoderamento no sector turístico” no Parlamento Europeo.

Simpatizante de Esquerda Unida forma parte da candidatura por terceira vez.

15.- Patricia Vilar Pérez

47 anos. Mestra de castelán para estranxeiros nunha academia local. Imparte clases de apoio en Matemáticas e Física e Química. Cursou estudos de Física, Meteoroloxía e Medio Ambiente.

Participa e colabora en diferentes actividades e colectivos sociais e culturais.

Participa por terceira vez na candidatura de Esquerda Unida.

 

16.- Alberto Triñanes Filgueira.

34 anos. Graduado en Administración e Dirección de Empresas pola Universidade de Santiago de Compostela. Actualmente traballa nunha compañía Offshore.

Vinculado ao tecido cultural do Grove, foi vicepresidente da Asociación Cultural e Xuvenil Enxebre.

Participa por primeira vez na candidatura de Esquerda Unida.

 

17.- Ana Cristina Domínguez Domínguez

42 anos. Técnica en Xestión Administrativa. Traballa nunha asesoría fiscal e contable na súa vila de residencia. Participou do tecido cultural do Grove a través do grupo de baile tradicional Paradanda e do grupo de Teatro Mecos.

Participa nas candidaturas de Esquerda Unida dende 2015 e no 2019 logrou a acta de concelleira xunto con José A. Otero, formando o actual grupo municipal na corporación. Forma parte da Coordinadora Local dende 2017, asumindo a responsabilidade da Área de Muller. Representa á nosa formación no Consello Local da Igualdade.

 

Suplente 1.- José Antonio Gondar Triñanes

62 anos. Pensionista. Sindicalista dende os 19 anos, desenvolveu a súa actividade sindical no comité de empresa nunha conserveira da localidade. Ex-membro do Consello Nacional de Galicia de Pensionistas e Xubilados de CCOO. Membro da executiva da Unión Comarcal de Arousa de Pensionistas e Xubilados de CCOO. Activista en defensa das Pensións Públicas. Participa na Coordinadora Local de Esquerda Unida dende o 2017. É a segunda vez que participa na candidatura.

 

Suplente 2.- Elvira Varela Gondar.

78 anos. Xubilada

Militante de Esquerda Unida, formou parte das candidaturas en numerosas ocasións.

 

Suplente 3.- José Antonio Taboada Magdalena

69 anos. Xubilado, traballou no Casino La Toja, formando parte do comité de empresa por CCOO.

Presentouse como candidato á Alcaldía en 1999 e 2011, resultando concelleiro electo na última ocasión. Anteriormente foi concelleiro no mandato 2003-2007 logo de substituír a Xan Caneda. Foi responsable local de Esquerda Unida e membro da coordinadora local. Militante do Partido Comunista, foi membro da executiva comarcal.