UN CONCELLO CON CULTURA

 CULTURA, PATRIMONIO E LINGUA

• Poñer en marcha o Consello Local da Cultura que teña entre as súas funcións a elaboración dun Plan Municipal de Cultura de maneira participativa.
• Planificar a adecuada difusión das actividades culturais.
• Procura dun incremento gradual das subvencións municipais ás asociacións culturais.
• Dinamización das instalacións culturais (actividades, mellores horarios,...) e mellora dos medios materiais que o concello facilita ás asociacións (palcos, equipo de son...).
• Facilitar residencias artísticas tanto de artistas e agrupacións locais como foráneas.
• Dinamizar e impulsar o Entroido grovense coa intención de conseguir a declaración de Ben de Interese Turístico Galego. Mellorar as diferentes actividades desenvolvidas neses días (xoves Compadres e Comadres e outras ceas, Festival de Comparsas, Festivais Infantís, Desfile do Martes, Entroido de San Vicente, Enterro da Sardiña, Queima do Vimbio...).
• Promover e apoiar economicamente os intercambios culturais nacionais, estatais e internacionais entre asociacións.
• Impulsar anualmente unha semana/mes cultural (actividades, concertos, monólogos, cine, xogos...) implicando a todas as asociacións do Grove a desenvolver en diferentes rúas e barrios.
• Organizar/promover feiras de Culturas e artesanías; nacional, estatal, internacional.
• Promover e potenciar as festas tradicionais galegas; Festa dos Maios, Samaín, Magosto...
• Organizar charlas coloquio de diferentes temáticas.
• Potenciar o Premio de Novela Curta Manuel Lueiro Rey, impulsar a súa figura e traballar para lograr que se lle dedique o Día das Letras Galegas.
• Organizar certames de narrativa e poesía en galego para novos autores e promover encontros de escritores e poetas en galego.
• Dotar ás bibliotecas con todas as publicacións referentes a O Grove así como publicacións de escritores ou editoriais locais e adecuar os horarios ás necesidades dos usuarios (estudantes).
• Incluír O Grove dentro da rede de feiras do libro da Xunta de Galicia e promover, así mesmo,  feiras de libros de segunda man.
• Impulsar a creación de clubs de lectura en galego.
• Potenciar o Premio Ernesto Goday de pintura e impulsar novos certames de pintura.
• Impulsar a pintura ao aire libre e a arte mural.
• Apoio á creación artística local, mediante subvencións, premios, publicacións,...
• Creación e promoción dunha ruta escultórica.
• Promover certames de teatro afeccionado e teatro na rúa exclusivamente en galego.
• Habilitar espazos municipais para o ensaio de grupos e bandas musicais do concello.
• Promover foliadas de música tradicional.
• Impulsar ciclos de cinefórum e cine en galego na rúa.
• Poñer en funcionamento a Mesa de Cultura e Patrimonio. Aprobada en pleno a proposta de EU.
• Plan de recuperación e potenciación dos muíños.
• Musealización de Adro Vello.
• Engadir a Torre de Escuredo ao patrimonio municipal mediante compra/intercambio xusto. Recuperación e potenciación do espazo.
• Recuperación e potenciación do patrimonio etnográfico do Grove.
• Estimular traballos de investigación sobre historia, toponimia, etnografía e léxicos do Grove.
• Promover e potenciar os encontros e regatas de dornas.
• Impulsar e promover campionatos de xogos tradicionais e populares.
• Impulsar unha ruta para dar a coñecer de forma local e turística todos os elementos patrimoniais do noso concello
• Compromiso firme e real na defensa e promoción da lingua galega.
• Potenciar e impulsar o uso da lingua galega con campañas efectivas. 
• Promover o uso do galego dende a infancia, e impulsar a educación en galego.
• Crear un programa de axudas/subvencións a colectivos e asociacións que promovan e usen o galego na súas actividades, actuacións...
• Promover o programa “21 días en galego e+” nas escolas e institutos.
• Impulsar concursos en galego para cativas/os e mocidade.
• Promover autores e artistas locais e galegos que fomenten e divulguen o uso da nosa lingua.