UN CONCELLO MARIÑEIRO

• Instar a Portos de Galicia a acometer a obra de ampliación e reordenación do Porto do Grove, procurando que a reordenación se realice acorde ás necesidades dos mariñeiros e usuarios.
• Instar a Portos de Galicia a acometer a obra de abrigo do dique do Porto de Meloxo, non prexudicando a zona de marisqueo.
• Equipar os portos do Grove con instalacións modernas para realizar coa máxima eficacia operacións de forma adecuada.
• Procurar con Portos de Galicia a mellora na seguridade nos Portos do Grove.
• Solicitar un maior número de amarres para as embarcacións tradicionais.
• Bolsas de desprazamento para persoas interesadas en formarse neste sector.
• Impulsar a creación dun servizo de Salvamento Marítimo na comarca.
• Fomentar a investigación e formación para o aumento de recursos mariños de forma sostible.
• Potenciar a praza de abastos e a lonxa como lugares de garantía e calidade dos seus produtos.