UN CONCELLO AMIGO DOS ANIMAIS

• Revisar eadaptar a Ordenanza Municipal de Protección e Pertenza de animais (2004) para camiñar cara un “Concello Amigo dos Animais”.
• Crear e manter un padrón de todos os animais domésticos, coa obriga de chipear aos animais que a lei determina. 
• Crear zonas de espallamento e parques caninos/circuitos “agility” en diferentes barrios e dotar ás zonas máis concorridas de “saneacans”.
• Campañas de información e sensibilización para a recollida de excrementos dos animais de compaña.
• Promover as praias para cans e aumentar o número de areais.
• Traballar conxuntamente cos refuxios e protectoras locais/comarcais.
• Implantar o Protocolo CES (Captura, esterilización e solta) para problemas de pragas de gatos e pombas.
• Revitalización do proxecto PIO.
• Non programar, apoiar ou difundir espectáculos ou actividades que non garantan o benestar animal e/ou impliquen o uso de animais sobre os cales se produzan vexacións, sufrimento ou morte. 
• Reforzarase o control e sanción por parte dos corpos e forzas de seguridade, ás situacións de maltrato, abandono e pertenza de animais en condicións indignas, facilitando dende o concello os recursos persoais, económicos, materiais e formativos necesarios. 
• Actividades e campañas en prol da protección animal e do seu medio,en especial campañas antiabandono, contra o maltrato… 
• Garantir a formación do persoal empregado público en protocolos de protección animal, especialmente dos corpos e forzas de seguridade ou profesionais que polas condicións do seu traballo poidan encontrarse na situación de interactuar con animais. 
• Permitir o seguimento e supervisión da cidadanía e organizacións de protección animal, do cumprimento dos servizos en materia de protección animal e dos contratos destes, se existisen. 
• Establecer nos protocolos de Emerxencias, mecanismos de evacuación ou rescate de animais en caso de emerxencias ou catástrofes naturais, como incendios, inundacións. 
• Promover festas inclusivas incluíndo para iso fogos de artificio sen ruído para evitar o sufrimento de animais.